Hér má finna yfirlit yfir fjarnám sem í boði er hjá háskólunum skóláárið 2009-2010

______________________________________________

Fjarnám hjá Háskólanum á Bifröst á haustönn 2009

Símenntunarmiðstöðin, í samstarfi við Háskólann á Bifröst,  býður upp  námskeið í Tímastjórnun og tæknilausum og  Excel fyrir byrjendur í fjarnámi  á haustönn 2009.   Háskólinn á Bifröst notar svokallaðan námskjá sem hefur reynst nemendum og kennurum mjög vel til notkunar í fjarnámi.

Tímastjórnun og tæknilausnir:  

Markmið námskeiðsins er að  nemendur læri að nýta búnað í gsm símum og tölvupóstkerfi við tímastjórnun. Unnið er með Outlook póstforritið og gsm síma notenda sem flestir búa yfir tilheyrandi búnaði.

Nánari upplýsingar er að hér á vef Símentunar í yfirliti námskeiða eða með því að smella hér

Excelnámskeið: 

Markmiðið er að kenna nemendum grunnatriði í Excel töflureikni. Fjallað verður um grunnatriði er varða uppsetningu Excelskjala, kynntar nokkrar grunnreikniaðgerðir.  Nemendur öðlast færni og þekkingu sem nýtist þeim í einkalífi og starfi s.s. almennir útreikningar, heimilisbókhald, lánaútreikningar og gerð myndrita.

Nánari upplýsingar er að finna hér á vef Símenntunar í yfirliti námskeiða eða á vef

Háskólans á Bifröst með því að smella hér

Á vef Háskólans á Bifröst má finna upplýsingar um fleiri námstækifæri í fjarnámi á haustönn. 

Máttur kvenna I - nánari upplýsingar er að finna hér

Máttur kvenna II - nánari upplýsinga er að finna hér

____________________________________________________________________

Háskólinn á Bifröst býður upp á fjarnám í viðskiptafræði.

Með viðskiptafræði í fjarnámi gefst fólki sem ekki hefur tök á að hætta vinnu eða flytjast búferlum tækifæri til ljúka BS gráðu í viðskiptafræðum frá Bifröst. Um er að ræða ýmist 2ja ára diplómanám eða 4 ára BS nám.

BS nám í viðskiptafræði                                                                      4 ár

                Diplómanám í fjármálum og stjórnun                                  2 ár

BS nám í viðskiptafræði með áherslu á verlsun og þjónustu              4 ár         

                Diplómanám í verslunarfræðum                                          2 ár

Námið er skipulagt sem hlutanám og fer fram með hálfum hraða miðað við reglulegt nám. Hvert námskeið er 6 -8 ECTS einingar.  Kennt er í lotum og tekur hvert fag 5 eða 6 vikur sem líkur annað hvort með prófi eða lokaverkefni.

Verkefni eru unnin á netinu og eru einstaklings-, para- eða hópverkefni. Verkefnin geta tekið allt frá nokkrum klukkustundum á vinnuhelgum upp í nokkrar vikur í vinnslu, allt eftir umfangi og aðstæðum.

Í hverju fagi fyrir sig er myndaður sérstakur umræðuhópur. Þar geta nemendur varpað fram fyrirspurnum um efni fyrirlestra og leitað svara.

Nemendur koma saman eina vinnuhelgi í hverri námslotu frá föstudegi til laugardags. Þessar vinnuhelgar eru notaðar til verkefnavinnu, hópvinnu og samskiptaþjálfunar.

Nánari upplýsingar veitir Signý Óskarsdóttir umsjónarmaður fjarnáms, en einnig er hægt að nálgast upplýsingar á  vef skólans: www.bifrost.is

Landbúnaðarháskóli Íslands býður upp á fjarnám á búfræðibraut og garðyrkjubraut.

 Frá árinu 1999 hefur verið boðið upp á fjarnám í búfræði á Hvanneyri. Með tilurð LbhÍ bættist við fjarnám í garðyrkjutengdum greinum sem kenndar eru á starfsmenntabraut skólans. Sú kennsla fer fram á Reykjum í Ölfusi. Auk þessa er boðið upp á fjarnámslausnir í nokkrum áföngum á háskólastigi.

Allt fjarnám LbhÍ fer fram í gegn um íslenskan námsvef skoli.is sem fyrirtækið Nepal (http://www.nepal.is) hefur hannað. Sá námsvefur er miðlægur á internetinu, þannig að nemendur þurfa engan aukabúnað í tölvur sínar til að nota hann.

Búfræðifjarnámið er sniðið að þörfum starfandi bænda en aðrir sem uppfylla inntökuskilyrði geta komist í þetta nám ef pláss eru laus. Hver og einn velur sinn námshraða í samráði við skólann. Verklega þætti þurfa fjarnemar að taka í heimsóknum að Hvanneyri.

Garðyrkjufjarnámið er boðið annað hvert ár og gefst nemendum kostur á að taka það á hálfum eða fullum hraða á flestum brautum. Sumar brautir bjóða þó eingöngu fjarnám á fullum hraða. Verklegar lotur eru á Reykjum, með reglubundnu millibili og skyldumæting í þær.

Í háskólanáminu er mismunandi hvaða áfangar eru boðnir með fjarnámslausnum hverju sinni. Fer það eftir brautum en ekki er unnt að taka alla áfanga með þessum hætti. Mætingaskylda er í ákveðna þætti flestra áfanganna.

Nánari upplýsingar veita kennslustjóri og umsjónarmaður fjarnáms, en einnig er hægt að nálgast upplýsingar á vef skólans: www.lbhi.is

Fjarnám hjá Endurmenntun Háskólans á Akureyri

Haustið 2009 býður Endurmenntun Háskólans m.a. upp á tvö námstækifæri:

Ferðaþjónusta: Rekstur - stjórnun - markaðssetning en námið er 36 klst. og metið til 6 ECTS eininga.  Möguleiki er fyrir nemendur með BS eða BA próf að fá einingar metnar inní meistaranám í ferðamálafræðum. 

Nánari upplýsingar er að finna hér

Mannauðsstjórnun - Námið er 36 klst og metið til 6 ECTS eininga.

Nánari upplýsingar er að finna hér

Háskólinn á Hólum býður uppá Ferðamáladeild og fiskeldis- og fiskaliffræðideild, ásamt fleiru.

• Diplóma í ferðamálafræði (90 ects) – staðnám eða fjarnám

• Diplóma í viðburðastjórnun (60 ects) – fjarnám

• BA í ferðamálafræði (180 ects) – staðnám eða fjarnám

• Diplóma í fiskeldisfræði (90 ects) – fjarnám